周嘉洛&刘丹日前参加咗

一个运动主题嘅活动

少见佢哋以“爷孙档”搭配出嚟

大家都觉得好新鲜

刘丹话自己年轻时学过拳击

喺《爱回家之开心速递》中

“根叔”呢个角色

就係“金刚门”掌门人

想必佢日常都好注重锻炼

所以先会有咁好精神状态

周嘉洛最近状态都好fit

喺活动现场面不改色咁

就轻松举起一个巨型嘅哑铃

原来佢因为贪靓

想自己身材线条好啲

喺屋企成日举铁

练就咗脱衣有肉嘅good body

难怪喺前两日嘅台庆上

周嘉洛真空deep v行红地毯

“Tyson胸”呼之欲出

连旁边嘅朱敏瀚都忍唔住望

嘉洛亦一改往日

嬉皮笑脸嘅“废青”形象

走成熟肌肉男嘅沉稳路线

甚至梳翻个油头嚟衬造型添

到《剪裁魔法师》嗰part

show时装行catwalk嘅嘉洛

尽显魅力迷倒所有观众

有练过果然唔同啲

嘉洛呢波举“巨型器材”

又show巨型“泰奶”嘅操作

大家都记得佢要走型男路线

再都唔係“废青安”啦

～well～

巨型嘅嘢视觉冲击大

真係好容易吸引大家嘅目光

增强记忆点

今次全运会嘅开幕式上

有巨型鳌鱼做开场

又有巨型嘅木棉花相伴

令开幕式满满“广味”溢出屏幕

到寻晚嘅闭幕式

巨型吉祥物蹦蹦跳跳

做住广播体操出场

就已经萌到大家移唔开眼

有眼尖嘅观众仲留意到

有只“喜洋洋”

唔知去完边度“撒野”

整到自己全身污糟邋遢

估计係够钟上班

未嚟得切去冲凉

真係够晒敬业

而由小朋友扮演嘅巨型葡挞

喺澳门主题嘅歌舞表演中出现

更令大家觉得惊喜

继东莞比赛场上

出现“烧鹅”群舞之后

今次嘅“葡挞”起舞

又令一款地方美食出圈

今次全运会闭幕式

喺深圳前海欢乐港湾举行

以“星辰大海”为主题

首次采用开放式海天舞台

演出过程中

舞台时而深入水中

时而跃出地面

形态多变

期间更以光影打造巨型画布

以舞蹈、歌声、光照

彩绘一幅幅城市蓝图

展现大湾区嘅发展壮大

各种巨大嘅呈现

令大家感受到

全运会闭幕式嘅震撼

更让大家记住

今届全运会一幕幕的感动

第十五届全运会圆满落幕

有人被运动精神感染

有人中咗吉祥物嘅“毒”

唔知喺你心目中

印象最深嘅係边一part咧

靓show开售

潮物推荐

网络平台信息综合

一审：曾敏妍

二审：董华海

三审：骆 苹

【小程序】票巴网

【微信服务号】中国邮政微邮局

【淘宝】羊晚生活馆

都可以买到《可乐生活》

▼▼▼